diwaluhinya

diwaluhinya.blogspot.com -

ini kisah si Jamal (nama samaran) warga Samarinda yang menukar kuota internet di penjual kuota keliling.
karena sibuk memilih paket dan harga yang sesuai dengan kantong, jadi pikiran pusang mau milih yang mana.
macam-macam paket yang ditawarkan...
yang bagus banyak ai jua, tapi harganya bagus jua
alhasil ada sebuting paket yang ditawrkan oleh penjual
harganya Rp 150.000,-
"ini paling cocok dah" ujar si penjual
"kenapa paling cocok? karena ini kuota 4G siang malam aktif. masa aktif 1 bulan, dan di bulan kedua kada usah dibawa ke-aku kena kartunya me-isi sorang" ...

mendengar kartu 4G aktif 1 bulan, dan di bulan kedua aktif te-isi sorang, lalu ai si Jamal tergiur. ditukarnya lah kartu 4G tadi seharga Rp 150.000,-
aktif sebulanan di pakainya tarus internetan...

pas bulan kedua lalu ai kada bisa internetan lagi..
kuota habis ....
harus me-isi lagi..
kada sesuai dengan janji kartu nya te-isi sorang...
maka yang bejual kdada lagi dah urangnya..
namanya jua pedagang keliling...

lalu ai si Jamal mengadu lawan aku...
"aku di bunguli tukang kuota internet.."
"kenapa?"
"ujarnya kartu seharga 150.000 nih bulan kedua kada usah dibawa ke penjual nya, quota internet nya te-isi sorang.. tapi ini buktinya kada mau internetan harus ditukarkan pulsa dulu... ditipunya aku..."

sejenak unda bepikir hanyar paham maksudnya si penjual tuh...

diwaluhinya.blogspot.com -
ini kisah nyata om ku, namanya Om Badar.
eh jangan dikira ini kisah horror. ini murni kisah lucu meskipun judulnya terkesan seram.
alkisah jaman dahulu mungkin sekitar tahun 70-an, gawiannya Om Badar ini menyirap atau membuat atap sirap.
kerjaannya pergi kehutan, cari kayu ulin, lalu kayu ulin itu di potong-potong dan dibuat atap sirap.
nah jadi waktu itu sidin tulak kehutan belima dengan kawalan sidin yang lainnya, begitu perbekalan mulai menipis, maka direncanakan lah bulikan, bubuhan sidin tu lalu keluar hutan dan menuju ke jalan raya.
karena jaman dulu kdada taksi atau bis, maka tepaksa ai bjalan batis, sambil menunggu truk yang lewat siapa tahu bisa menumpang. alhasil sampai parak magrib kdada jua tumpangan yg lewat. maka posisi sudah sampai Kilo 40 menuju Samarinda.
lalu bepadah ai kekawalan. jar sidin kita harus becari wadah gasan bemalam. kalau kdada rumah urang kita molah tenda aja disini. disepakati sampai magrib kalau kdada rumah langsung molah tenda. tapi syukur Alhamdulillah sidin dan kekawalan lainnya ketemu gudang yang kada dipakai. lalu ai sidin dan kekawalan menempati gudang tersebut dan menggelar tikar, dan menyalakan obor.
maklum jaman dulu belum ada listrik.
masing-masing ai sibuk dengan aktifitas nya.
pas habis magrib lalu-ai si Om Badar ini besimpunan...
"ai.. kenapa besimpunan Dar?"
"kada papa ai.. aku handak bulik malam ini" sahut Om Badar
"aw jangan bulik, hari sudah malam ini.. kita bemalam aja dulu disini..."
"kada.... pokoknya aku handak bulik malam ini jua...."
"kenapa gerang ikam handak bulik malam ni jua?"

si Om Badar ni bediam aja, sampai akhirnya barang-barang nya selesai dismpuninya baru inya bepadah dengan kekawalannya...

"ikam ingat lah oi....?" jar om Badar...
"apa?"
"seminggu yang lalu ada urang mati gantung diri kalo?"
"iya bujur"
"dimana lokasinya?"
"di kilo 40 kalo?"
"iya di kilo 40.. nah sekarang kita ini ada di kilo 40 oi...."
"imbah tu pang?"
"inya gantung diri di gudang kalo oi?"
"iya di gudang..."
"nah.. oi.. ini sudah gudang nya urang mati gantung diri tu oi..."
"ah masa?"
"coba ikam lihati ke atas tu,...."

pas kebujuran pulang di atas langit-langit gudang tu ada tali bejuntai...

"itu nah talinya urang mati gantung diri tu oi.... aku handak bulik malam ni jua..." ujar om Badar sambil bukah keluar...

apa pang kekawalan yang lainnya tumbur jua sibuk menyimpuni barang masing-masing.. umpat bukah jua keluar gudang...
mun si Julak Ooi maka kada sempat besimpunan, barang-barangnya dimasukkan kedalam kelambu langsung digumpal bawa bukah keluar gudang...

malam itu jua bulikan...
jam 4 subuh baru sampai ke Sungai Keledang..

pas sudah sore nya baru bubuhannya betakun dengan Om Badar..
"bujur kah itu gudang urang yang mati gantung diri Dar?"

jawaban om badar molah grigitan
"aku kada yakin jua... aku nebak-nebak aja pang..."

bhahahahahahahahah.............

diwaluhinya.blogspot.com - Si waluh betakun dengan kawalnya...
waluh : kalau anak Jawa, nyebut pisang itu apa?
kawal : Pisang jua-ai ... kenapa gerang?
waluh : kalau anak Banjar nyebut pisang lain itu
kawal : apa pang jadinya?
waluh : picang

diwaluhinya.blogspot.com - ini kisah waluh yang bujuran. alkisah dikantor wadah ku begawi ini ada yang ngarannya pak Dodi. sidin itu urang banjar aseli.
suatu ketika kami bekisahan soal sembahyang (sholat). lalu ai aku jua handak mewaluh. kupadahkan dengan Pak Dodi itu kalau sembahyang di langgar (mushola) parak rumahku, jadi imam kada boleh beselawar.
"uma pang.. kenapa kaya itu??" ujarnya heran
"hi-ih bujuran... cobai ja amun jadi imam beselawar.. isuk kada dipakai urang lagi jadi imam..." ujarku
"uma ai... bisanya kaya itu lah.. fanatik banar... " jar sidin
amun aku ni menahan tawa melihat sidin...
karena takut salah paham akhirnya kujelaskan ai lagi lawan sidin...
"cobai ja.. haratan jadi imam... beselawar... sibuk bepasang selawar... apa kada disariki urang?" ujarku...
hanyar am tetawaan berataan.. rupanya sidin hanyar paham apabila sudah dijelaskan...

beselawar = memakai celana / aktifitas mengenakan celana

amun handak beselawar itu sebelum atau sesudah sembahyang..
jangan pas lagi sembahyang beselawar.. batal sembahyang..