diwaluhinya

diwaluhinya.blogspot.com -
ngarannya jua mewaluh..

Ini kisah tentang Haji Udin (ngaran samaran haja)
Haji Udin ini bahari tinggal di pinggir Sungai Mahakam kada jauh pada Pertamina. wayah ini jadi jalur hijau di Jalan Selamat Riyadi. Jadi usaha sidin itu bahari adalah jadi bandar waluh. biasanya sidin mendatangkan waluh itu dari pehuluan Sungai Mahakam. mun sudah datang kapal membawa waluh dari pehuluan, banyak urang berabut meambil upah meangkut waluh dari kapal ke daratan (termasuk mama ulun pernah jua meambil upah meangkat waluh).. upahnya berapa ha waktu itu..

gambarnya minta dari aktual.co

nah waluh sidin itu di ekspor ke beberapa pasar yang ada di Samarinda. handak seberataan waluh yang ada di Samarinda ini datang dari sidin semua.
jadi Haji Udin ini beisi kemanakan. kalau kada salah ngaran sidin Julak Imin (ngaran samaran jua), Julak Imin ini urang nya lusung jua, tahu melawak haja gawian. biarpun urang sarik tatap ai sidin melawak jua.
lalu ai si Julak Imin ini menyambat

Bah.. Haji Udin itu... se-Samarinda-an urang diwaluhi sidin...

rupanya ada yang menyampaikan lawan si Haji Udin...
umai Haji Udin sarik banar lawan si Julak Imin.
padahal apa yang dipadahakan Julak Imin tu bujur haja bahwa Haji Udin tu mewaluhi urang se-Samarinda-an..

hahahaiii gara-gara pandiran haja...