ini kisah si mama mahmud. alkisah bapanya si mahmud ini bisa menyupir mobil, tapi karena di ampihi perusahaan nya begawi jadilah si bapak mahmud ini pengangguran.
tebalik keadaan lawan julak Udin. julak udin ini sudah tuha, anaknya beisi mobil tapi jarang memakai mobil nangituh. mun tulak begawi pakai motor haja biasanya, tetinggal ai mobil dirumah.
suatu ketika si julak udin ini tadih handak tulak kewadah datu, alias urang pintar yang kawa dimintai pendapat masalah kehidupan. tapi karena nang anak begawi maka kedada yang menyupiri oto sidin tadi.
akhirnya dimintalah si bapanya mahmud tadi menyupirkan mobil tulak kewadah urang pintar tadi, si bapa mahmud tadi dibarii pang duit gasan upah menyupirkan si julak udin, meskipun mobil nangituh ampun nya si julak udin.
singkat cerita bulikan datang rumah datu tadi, rupanya si mama mahmud tadi betakun datang darimana.
dijawab ai oleh bapanya mahmud kalau sidin imbah meantar julak udin kerumah urang pintar.
mendangar kisah kaya itu lalu ai mama mahmud tadi menggosip lawan tetangga..
anu jar... julak udin tadi tulak kewadah dukun...
lawan sesiapa haja tetamu si mama mahmud tadi bekesah nang kaya itu.
akhirnya kisah itu sampai jua ketelinga si julak udin.
ujar si julak udin,
kada papa biarkan haja inya nyambat kaya itu..
isuknya julak udin handak pulang tulak kewadah datu tadi. tapi supirnya lain si bapa mahmud tadi..
baya ditakuni kenapa kada handak disupiri oleh bapa mahmud. ujar sidin,
kada nyaman kisahnya, aku dipadahakan bininya tulak kedukun..
si julak udin tadi minta supiri lawan kekanak muda yang sama pengangguran jua tapi bisa menyupir. tapi untungnya si kekanak muda tadi lain tukang gosip. akhirnya betetarusan mun sidin handak bejalan makai oto pasti minta antarkan lawan kekanak muda tadi.
lumayan kekanak muda tadi dibarii sidin duit gasan upah menyupiri...
nah ini kisah yang kawa diambil pelajaran bahwa..
jangan menggosip... jauh parajakian ding ai...
Share On
Tidak ada komentar:
Posting Komentar
tinggalkan komen disini wal